ফ্লাইঅ’ভাৰখনৰ আৰম্ভণিতে
দুজন মানুহ
একে গাৱৰ পৰা অহা
সি অহা খোজকেইটা
গোটই গাঁওখনে ভেঙুচালি কৰে
ভাঁজ দেখুৱাই
খিতখিতাই হাঁহে
সিও জানে সেই কথা
ভাবি থাকে সিহঁতৰো
একোটা ভাঁজ
সন্ধিয়া মানুহ দুজন সেইঠাইতে লগ পালে
ইজনে-সিজনৰ ভাঁজ দেখুৱাই
সিঞাঁৰে
দাঁত নিকটাই হাঁহে
ৰাতিলৈ গাড়ী এখনৰ পিছফালে
উঠি যায়
ঘূৰি নাহে
পিছদিনা সন্ধিয়াটো
ফ্লাইঅ’ভাৰখন
বানপানীত ডুবে
উটি যায়
আৰু এজন মানুহে
ওখ বিল্ডিং এটাৰ বাৰন্দাত বহি
চাই থাকে
ভাবি থাকে
একে গাৱৰ মানুহ
সাগৰ সৌৰভ