বকুল
মোৰ পিতাইৰ গাঁৱত এখন নদী আছিল
পাক্-ঘূৰণি সোঁতৰ পৰা পাৰত উঠি আহিব খোজোঁতে
উটি গ’লো
ঢৌৰ বিঢৌত গতিত
চহৰমুখী
নৈৰ ইহকাল-পৰকাল
নৈৰ বুকুতে
ডুবি আছিল
দূবৰিৰ নিয়ৰত
কাঁচিজোন
দুৰ্ভিক্ষত নুফুলিল
সূৰুযমুখী
বাৰীৰফালে ফেঁচাজনীৰ ‘নিউ’ ‘নিউ’ মাততো শুনি
আইৰ সজল দুচকুত নাচি উঠে
ধপধপনি এটা
লুইতৰ বুকুফালি পিতাই গৈ আছিল
নামনিৰ কমাৰশাললৈ
পানীপোতাত মই চেঁকুৰিয়াই আছো
ৰঙাঘোঁৰা
কাগজৰ...
বকুল অ’
বকুলৰ মালা গাঁঠি গাঁঠি কিনো পাবি
ব’ল চহৰলৈ যাওঁ
আটায়ে মোনাত কি ভৰাইছে চাওঁ
সাগৰ সৌৰভ
