খিৰিকীৰ সুৰংগ এটাৰে
চটফটাই চটফটাই
ৰাতিপুৱাতে চকুযুৰি যিমান দূৰলৈকে
গুছি যায়
ঠিক তাৰ পৰাই
আৰু এহাত মেলি দিলেই
অনায়াসে সকলো সুন্দৰ
মাথোঁ কুঁৱলীৰ সৈতে ঠেলা-বগৰা
খেলি খেলি আহি থকা সূৰুযে
সেই কথা মানি ল’ব নোখোজে
সূৰুয আমাৰ গাৱৰে
মোৰ সহপাঠী
সূৰুযে ভাল পাইছিল
নীলাক
নীলাই কপালত ৰঙাকৈ এটা
আঁচোৰ খালে
বেছিদিনৰ কথা নহয়
সেই বাটেৰে সি আহোঁতে আহোঁতে
কতযে কি নেদেখিলে
ক’ৰবাত জুই
লাগিল ওৰেৰাতি
আৰু ৰাতিপুৱাতে ল’চালিবোৰে
চাঁইৰ সৈতে খেলি থাকিল
ক’ৰবাত
পানী বাঢি়ল
ল’চালিবোৰে
ডেও দি দি
সাঁতোৰ
সাঁতোৰ খেলি থাকিল
তেনেকৈয়ে সি বাট কুৰি বাই
এই চহৰ পালেহি
এই চহৰত জুই লাগিলে
ভাঁটৌৰো জিভা পুৰে