আলহী
তুলবুলীয়া হাঁহি এটাৰে
মাজে মাজে তুলতুলাই উঠি
আঙুলীৰ মূৰত গণিব পৰাকৈ
জীৱনে আমাক বহুকথাই শিকালে
বুকুখনত কিবা এটাই খুন্দা
মাৰি ধৰিল বুলিয়েই সিদিনা
সি গ’লগৈ
তাৰ পিছত বৌদেৱে
আঁচল মচি মচি
পথিকক যিবোৰহে শুনালে
চুবুৰিয়াই জুহালত মহলা মাৰিলে
চালে-বেৰে কোবাই
কথাটো গোপন কৰোঁতে কৰোঁতে
কোনেও ভূ-টোকে নুবুজিলে
ৰৌটোকে ঢৌ কৰা
হুকহুকনিটো
লাহে লাহে কমি গৈ
নাইকিয়া হ’ল
বতাহত ৰিচিপচিপাই থকা গানটোৱে
আমাৰ পুৰণি ঘৰখনৰ নতুন আলহীবোৰক
সিমানকৈ নকঁপালে
সাগৰ সৌৰভ
No comments:
Post a Comment